Bu Alıcı Müqaviləsi, www.academyicd.az saytının idarəçiliyini həyata keçirən, vergi ödəyicisinin eyniləşdirmə nömrəsi (VÖEN) 20033167221 olan ICD Academy (“Satıcı”) ilə, www.academyicd.az saytında yerləşdirilmiş onlayn xidmətlərdən (təlim, dərs, konsultasiya və s.) istifadə etmək üçün sifariş verən Alıcı arasında bağlanır. Müqavilə, Satıcının təqdim etdiyi xidmətlərdən Alıcının istifadəsi ilə bağlı hüquq və vəzifələri tənzimləyir.
1. Əsas anlayışlar
Alıcı Müqaviləsi – Onlayn xidmətlərin sifarişi və istifadəsi ilə bağlı bütün hüquqi və əməli şərtləri müəyyən edən sənəd.
Alıcı – Saytda qeydiyyatdan keçərək və ya ödəniş edərək Satıcının təqdim etdiyi xidmətləri sifariş edən fiziki və ya hüquqi şəxs.
Satıcı – Saytda xidmətlərini təqdim edən, təlim və digər onlayn xidmətlərin məzmunu, müddəti və təqdim edilmə şərtlərini müəyyən edən hüquqi şəxs və ya fərdi sahibkar.
Sayt – “www.academyicd.az” domen adlı internet səhifəsi, xidmətlərin onlayn təqdim olunduğu platforma.
Xidmətlər – Saytda təqdim olunan təlimlər, onlayn dərslər, konsultasiya və digər ödənişli xidmətlər.
Sifariş – Alıcının seçdiyi xidmətlə bağlı müvafiq məlumat formalarını dolduraraq elektron qaydada Satıcıya göndərdiyi müraciət.
2. Müqavilənin predmeti
Bu müqavilənin predmeti, Alıcı tərəfindən saytda təqdim olunan xidmətlərin Satıcı tərəfindən göstərilməsi və bunun müqabilində ödənişin həyata keçirilməsidir.
Saytdan xidmət sifariş edən hər bir Alıcı bu Müqavilənin, “Məxfilik Siyasəti”, “İstifadə Qaydaları” və “Geri Qaytarma / Dəyişdirmə Siyasəti” sənədləri ilə tanış olduğunu və onların şərtlərini qəbul etdiyini təsdiq edir.
3. Xidmətlərin təqdim olunması
Satıcı, sifariş edilmiş xidməti elan edilən tarixdə və göstərilən qaydada təqdim etməyi öhdəsinə götürür.
Xidmətlər onlayn və ya fərdi şəkildə təqdim oluna bilər.
Satıcı, texniki və ya tədris səbəbləri ilə təlim tarixlərini dəyişdirə və ya alternativ təqdimat forması (məsələn, video dərs, qeydiyyat linki və s.) təklif edə bilər.
Alıcı tərəfindən yanlış və ya natamam məlumatların təqdim edilməsi nəticəsində xidmətin göstərilməməsinə görə Satıcı məsuliyyət daşımır.
4. Ödəniş və qaydalar
Sifariş yalnız ödəniş təsdiqləndikdən sonra aktiv sayılır.
Xidmətlərin qiymətləri Azərbaycan manatı (AZN) ilə göstərilir və vergilər daxil olmaqla hesablanır.
Satıcı qiymətləri dəyişdirmək və endirim tətbiq etmək hüququna malikdir.
5. Xidmətin geri qaytarılması və dəyişdirilməsi
Xidmətə giriş təmin edildikdən və ya təlim başlamış olduqdan sonra ödəniş geri qaytarılmır.
Təlimin və ya xidmətin başlanmasından ən geci 48 saat əvvəl rəsmi müraciət olunarsa, ödəniş tam şəkildə geri qaytarıla bilər.
Satıcının təqsiri səbəbindən (təlimin keçirilməməsi, texniki nasazlıq və s.) xidmət göstərilməzsə, ödəniş tam şəkildə geri qaytarılır və ya iştirakçıya alternativ tarix təklif olunur.
Geri qaytarma ilə bağlı xərclər, Satıcının təqsiri olmadığı hallarda, Alıcı tərəfindən qarşılanır.
6. Məsuliyyət və məhdudiyyətlər
Satıcı xidmətin keyfiyyətli şəkildə təqdim olunmasına məsuliyyət daşıyır, lakin Alıcının şəxsi nəticələri, motivasiyası və ya öyrənmə tempi üçün məsuliyyət daşımır.
Xidmət materiallarının icazəsiz paylaşılması, kopyalanması və ya kommersiya məqsədilə istifadəsi qadağandır. Bu halda Satıcı xidmətə çıxışı məhdudlaşdıra bilər.
Satıcı, Alıcının xidmətlərdən təyinatına uyğun olmayan formada istifadəsindən irəli gələn nəticələrə görə məsuliyyət daşımır.
7. Fərdi məlumatların qorunması
Saytdan istifadə zamanı toplanan fərdi məlumatlar “Fərdi məlumatlar haqqında” Azərbaycan Respublikasının Qanununa uyğun şəkildə qorunur və yalnız xidmətin təqdim edilməsi məqsədilə istifadə olunur.
8. Mübahisələrin həlli
Bu müqavilədən irəli gələn və ya onunla bağlı yaranan bütün mübahisələr ilk növbədə tərəflər arasında qarşılıqlı anlaşma və danışıqlar yolu ilə həll edilir. Əgər razılaşma 5 iş günü ərzində əldə olunmazsa, mübahisə Azərbaycan Respublikasının müvafiq məhkəmələri tərəfindən həll edilir.
